.png)
Gazeta Si – Numri i viktimave në Turqi dhe Siri pas tërmetit shkatërrimtar të së hënës së shkuar ka shkuar në të paktën 40.000.
Qendra Turke e Koordinimit të Emergjencave SAKOM ka raportuar se numri i viktimave në Turqi ka arritur në 35,000.
Ndërkohë, numri i konfirmuar i vdekjeve në Siri është 4.674. Ky bilanc tragjik përfshin më shumë se 3,160 viktima në zonat e kontrolluara nga opozita të Sirisë Veripërëndimore.
Ndërsa, referuar Agjencisë Shtetërore të Lajmeve SANA, numri i viktimave në pjesët e kontrolluara nga qeveria e Sirisë është 1,414.
Një grua 40-vjeçare u tërhoq e gjallë në Islahiye, në provincën e Gaziantep, pas 170 orësh nën rrënojat e një pallati 5-katësh.
Gruaja, Sibel Kaya, u shpëtua nga një ekip i përzier, i cili përfshinte edhe anëtarë të ekipit të shpëtimit të minierës së qymyrit.
Më herët, pas 167 orësh, një burrë u shpëtua nga rrënojat në Antakya, në provincën Hatay të Turqisë jugore. Burri shihet duke u ngritur nga punonjësit e shpëtimit, të cilët më pas i përqafon.
E teksa ditët kalojnë, shpresat për të gjetur të mbijetuar nën rrënoja nuk është shuar.
Agjencia Shtetërore e Lajmeve Anadolu njoftoi se të paktën 41 persona u shpëtuan nga nën rrënojat në Turqi midis orës së 141 dhe 163 pas goditjes së tërmetit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje