.png)
Ministri i Jashtëm rus Sergej Lavrov ka reaguar për herë të parë sot për letrën e Sllovenisë për ndryshimin e kufijve për ndryshimin e kufijve në Ballkanin Perëndimorë, duke paralajmëruar se ideja e bashkimit Shqipëri-Kosovë ishte e rrezikshme.
Në një konferencë të përbashkët shtypi në Moskë me homologun e tij serb, Nikola Selaković, Lavrov e përshkroi si “të papranueshme, shumë të dëmshme dhe provokuese” idenë e një Shqipërie të Madhe si një zgjidhje për atë që e cilësoi si “çështjen” e Kosovës, si dhe idenë se shpërbërja e ish-Jugosllavisë nuk kishte mbaruar.
“Kjo është një lojë shumë e rrezikshme. Askush nuk e ka revokuar Rezolutën 1244 të Këshillit të Sigurimit të OKB dhe asnjë politikan i besueshëm, as shefi i qeverisë në EvUropë nuk duhet të dalë më ide të tilla, “tha Lavrov.
Ministri i jashtëm rus tha se Rezoluta e OKB nderonte sovranitetin e Serbisë dhe se statusi i Kosovës duhet të përcaktohet në negociatat midis Beogradit dhe Prishtinës. “Siç ka thënë Presidenti Putin, ne do të mbështesim çdo zgjidhje që i përshtatet Serbisë,” shtoi Lavrov.
Reagim i Rusisë vjen pak ditë pasi kryeministri Edi Rama u bë lideri i Ballkanin Perëndimor që deklaroi se e kishte parë dokumentin në fjalë përpara se ai t’i dërgohej Brukselit zyrtar. Duke folur të premten në një intervistë për Vizion Plus, Rama tha se harta i ishte treguar nga kryeministri slloven Janez Jansa.
“Është një hartë me kufij të ndryshuar në rajonin e Ballkanit Perëndimor. Mu tregua nga kolegut im slloven Janez Jansa . Ne biseduam së fundmi. Kam parë gjithashtu dokumentin që doli në publik, por nuk kam asnjë koment”, tha Rama.
Por si u rikthye ideja e ndryshimit të kufijve në Ballkan? Të enjten portali slloven “Necenzurirano.si” publikoi një dokument që pretendon se është kopje e dokumentit. Në këtë dokument, nëpërmjet të cilit Sllovenia prezantonte përparësitë e presidencës së saj të BE-së në korrik, kërkohej ripërcaktimi i kufirit të Kosovës dhe Serbisë, bashkimi i Kosovës me Shqipërinë dhe mundësia e shkëputjes së Republikës Serbe nga Bosnje e Hercegovina si dhe bashkimi i një pjese të Bosnjës perëndimore me Kroacinë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje