.png)
Rusia deklaroi të mërkurën (2 nëntor) se do të rifillojë të marrë pjesë në marrëveshjen për të lehtësuar eksportet e grurit nga Ukraina, pak ditë pasi vendosi ta pezullonte atë.
Ministria ruse e Mbrojtjes tha se kishte marrë garanci me shkrim nga Kievi që nuk do ta përdorte korridorin e grurit në Detin e zi për veprime ushtarake kundër Rusisë.
“Federata Ruse vlerëson se garancitë e marra në këtë moment duken të mjaftueshme dhe rifillon zbatimin e marrëveshjes”, thuhet në deklaratë.
“Falë pjesëmarrjes së një organizate ndërkombëtare (OKB-së), si dhe ndihmës së Turqisë, u bë e mundur të merren garancitë e nevojshme me shkrim nga Ukraina për mospërdorimin e korridorit humanitar dhe porteve të Ukrainës, të cilat janë identifikuar në interes të eksportit të produkteve bujqësore, për të kryer operacione ushtarake kundër Federatës Ruse, të cilat u dërguan në qendrën e përbashkët koordinuese më 1 nëntor 2022″, tha ministria ushtarake ruse në një deklaratë.
Rikthimi i Rusisë u paralajmërua nga presidenti turk, Recep Tayyip Erdogan. Turqia ishte ndërmjetësuese në arritjen e marrëveshjes së 22 korrikut që zhbllokoi grurin, mungesa e të cilit përbënte kërcënim për ushqimin e miliona njerëzve në botë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje