.png)
Gazeta Si – Furnizimi rus me gaz natyror në Finlandë është ndërprerë. Kompania shtetërore finlandeze e energjisë “Gasum”, tha pasi vendi nordik refuzoi të paguante furnizuesin “Gazprom” në rubla.
Gazi, tha “Gasum”, tani do të furnizohet nga burime të tjera përmes tubacionit “Balticconnector”, i cili lidh Finlandën me Estoninë.
“Ne jemi përgatitur me kujdes për këtë situatë dhe do të mund të furnizojmë me gaz të gjithë klientët tanë në muajt e ardhshëm”, – siguroi CEO i “Gasum”, Mika Ëiljanen, duke e cilësuar vendimin si “të mjerueshëm”.
Ndërkohë, qeveria e Helsinkit ka rënë dakord të japë me qira një anije magazinimi dhe rigazifikimi për 10 vjet me “Excelerate Energy”, një kompani me qendër në Shtetet e Bashkuara, në mënyrë që të mbulojë pjesërisht furnizimin e gaz pas pezullimit të furnizimeve nga Rusia.
Kështu deklaroi ministrja finlandeze e financave, Annika Saarikko.
“Terminali LNG do të na lejojë të çlirohemi nga gazi rus”, tha Saarikko, duke deklaruar se aspirata është që anija, e cila do të jetë e vendosur në bregdetin jugor të Finlandës, të funksionojë në tremujorin e katërt të këtij viti.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje