.png)
Gazeta Si – Rusia dyshohet se riorganizoi komandën e operacioneve të saj në Ukrainë, duke vënë në krye të sulmit, gjeneralin Alexander Dvornikov, i cili ka përvojë të gjerë në operacionet në Siri.
Lajmi u raportua nga një burim për BBC, I cili theksoi: “Ne presim që komanda dhe kontrolli i përgjithshëm i operacioneve të përmirësohet”, tha burimi.
Riorganizimi u bë në një përpjekje për të përmirësuar koordinimin midis njësive të ndryshme, pasi grupet ruse më parë ishin organizuar dhe komanduar veçmas, tha zyrtari.
Dvornikov përshkruhet në mediat e huaja si një gjeneral brutal, një njeri i besuar i presidentit Putin dhe si personi përgjegjës për masakrën në stacionin e trenit të Kramatorsk.
Rreth 45 ditë nga fillimi i agresionit, është e qartë se Rusia ka hasur në vështirësi të mëdha për të arritur qëllimet e saj të luftës. Ajo dështoi të merrte kontrollin e qyteteve të mëdha si Kievi e po kthehet në lindje, në Donbas.
Taktikat ruse u bllokuan nga rezistenca e njësive ukrainas, më të pakta në numër, por që kanë vepruar me inteligjencë e me sulme të befasishme, ndërsa kanë dhe njohuri më të mira të terrenit se kundërshtarët e tyre.
Në këtë mënyrë, ato përballuan një Rusi që mendohej se kishte një forcë “të konsiderueshme” prej gati 100 grupesh taktike të batalioneve operative.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje