.png)
Gazeta Si – Rusia ka nisur provat për paradën e madhe ushtarake të festës kombëtare në vend, për 77-vjetorin e fitores së Bashkimit Sovjetik ndaj nazistëve në Luftën e Dytë Botërore.
Prova e parë ushtarake u zhvilluan mbrëmjen e së enjtes në Sheshin e Kuq në Moskë.
Ndërkohë sipas medieve të huaja, është rritur frika se Putini do të kundërshtojë këshillat ushtarake për të kërkuar ‘sukses të shpallur’ në Ukrainë nga parada tradicionale e Ditës së Fitores më 9 maj.
Sipas zëdhënësit Dmitry Peskov, Kremlini nuk ka ftuar asnjë nga liderët e huaj në paradën për fitoren kundër Gjermanisë naziste të planifikuar për 9 maj në Moskë. As presidenti i Bjellorusisë, Aleksandr Lukashenko nuk do të jetë i pranishëm.
Ndërkohë sipas zyrtarit britanik Ben Ëallace Vladimir Putin mund të shpallë Luftën e Tretë Botërore brenda disa ditësh.
Sekretari i Mbrojtjes Ben Wallace ka paralajmëruar se diktatori rus mund të përdorë festimet tradicionale të Ditës Kombëtare të Fitores në Rusi më 9 maj, të cilat përkujtojnë fundin e Luftës së Dytë Botërore, për të thirrur trupat për një “luftë kundër nazistëve të botës”.
Trupat ruse po “vjedhin” rezervat e grurit të Ukrainës. Kështu deklaroi Shtabi i Përgjithshëm i Forcave të Armatosura të Ukrainës, i cituar nga CNN.
Kryetari i qytetit jugor të Melitopolit, Ivan Fedorov, shtoi: “Ne kemi postuar një video të një kolone prej mbi 50 kamionësh me rimorkio që transportonin grurë nga territoret tona të okupuara. Nuk e dimë se ku e dërguan. Pushtuesit rusë po grabisin fshatarët ukrainas. Mbi 60 tonë drithë së bashku me kamionët e ngarkimit u vodhën nga kooperativa bujqësore në qytetin Kamianka-Dniprovska, në rajonin e Zaporizhzhisë”.
Ministria e Jashtme e Ukrainës tha për “Reuters” se plaçkitja e rezervave te grurit nga rajoni Kherson, si dhe bllokimi i dërgesave nga portet e Ukrainës dhe minimi i korsive të transportit, kërcënojnë sigurinë ushqimore të botës.
Ukraina njihet si “shporta e bukës së Evropës” dhe është një burim kryesor i grurit dhe misrit — veçanërisht për vendet në Lindjen e Mesme dhe Afrikën e Veriut që varen nga importet.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje