.png)
Gazeta Si – Natën mes të hënës dhe të martës ka filluar “faza e dytë” e pritur e luftës e nisur nga Rusia kundër Ukrainës.
Pasi hoqi dorë nga marrja e Kievit dhe në fakt duke përmbysur qeverinë për të skllavëruar të gjithë vendin, Vladimir Putin tani synon të marrë nën kontroll të gjithë Donbasin dhe rajonin bregdetar, i cili, nëpërmjet Mariupolit, lidh provincat lindore me gadishullin e Krimesë.
Presidenti rus aspiron kështu të përfundojë synimet e arritura në luftën e 2014-ës dhe ky në fakt do të ishte i vetmi kusht që ndoshta do të lehtësonte gatishmërinë e tij për një marrëveshje politike.
Artileria dhe forcat ajrore ruse, që nga mbrëmja e së dielës kishin filluar bombardimet intensive në të gjitha zonat që synojnë të pushtojnë, duke përfshirë sulme me rreze të gjatë në të gjithë vendin me synimin për të paralizuar strukturën logjistike të Ukrainës.
Volodymyr Zelensky përgjigjet me vendosmërinë e treguar që nga dita e parë e luftës, 24 shkurt, duke thënë: “Beteja e Donbasit ka filluar… nuk na intereson sa forca do të futë Rusia, ne do të luftojmë. Ne do të mbrohemi”, i përsëriti kombit presidenti ukrainas.
Qëndrimi i Kievit mbetet se asnjë marrëveshje e negociuar nuk është e mundur përpara se rusët të kthehen në kufij më 23 shkurt.
I njëjti mesazh vendosmërie dhe vullneti për të mos u dorëzuar vjen nga komandantët e batalionit vullnetar Azov dhe njësitë e marinës të rrethuar në Mariupol: “Nuk do të dorëzohemi, do të luftojmë deri në njeriun e ushtarin”, bëjnë të ditur ata.
Radhët e gjata të refugjatëve që ikin tani bllokojnë rrugët e Donbasit në perëndim. Kudo ka viktima dhe dëme. Përleshje të ashpra po ndodhin edhe në Mariupol.
Qeveria ukrainase po kërkon ndihmë nga komuniteti ndërkombëtar për të siguruar korridoret humanitare që garantojnë rreth 100,000 civilët e bllokuar në qytetin e shkatërruar të ikin në perëndim dhe të mos transferohen kundër vullnetit të tyre në rajonet e kontrolluara nga Rusia.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje