.png)
Gazeta Si – Ato janë arma e “momentit”: dron-kamikaz iranian. Rusët i përdorin dhe theksojnë sukseset e tyre, ukrainasit i frikësohen dhe shpallin pothuajse çdo ditë shkatërrimin e disa ekzemplarëve.
Një përzierje klasike e lajmeve të luftës dhe propagandës në atë që disa e quajnë “Loja e Dronëve”.
Teherani i ka furnizuar Rusisë të paktën dy lloje avionësh: Shahed 136 (mision sulmues) dhe Mojaher 6 (zbulim).
Të parët janë ndërtuar me teknologji jo të sofistikuar, kanë kosto të ulët, mbajnë ngarkesë shpërthyese deri në 30 kilogramë, duke mos qenë të pajisur me kamerat e tyre, duhet të mbështeten me mjete të tjera.
Ato nuk janë të shpejtë, ndaj janë të ekspozuar ndaj zjarrit kundërajror. Për më tepër, sistemet e tyre të drejtimit mund të “shqetësohen” me kundërmasa elektronike.
Nëse përdoren në numër të madh, megjithatë, blindojnë mbrojtjen, mund të lëshohen nga kamionë (pra platforma të lëvizshme dhe “të lira” në krahasim me raketat e lundrimit), janë tinëzare për artilerinë më të çmuar të ukrainasve.
Me njëfarë krenarie, një ekspert rus i krahasoi ato me raketat me rreze të gjatë veprimi “Himars”, sepse lejojnë bastisje të thella.
Vëzhguesit perëndimorë janë më pak të bindur edhe pse ftojnë të mos e nënvlerësojmë ndikimin.
Burimet në Pentagon, të thirrura për të komentuar këtë çështje, kanë mbajtur një qëndrim të kujdesshëm, duke shmangur dhënien e detajeve që mund të shfrytëzohen nga pushtuesit. Ose më saktë efektivitetin, dobësitë, taktikën.
Megjithatë, përdorimi i ttre në konflikt ka një vlerë të dyfishtë për Iranin. E para. Në vitet e fundit, gjatë krizës së Jemenit, Teherani dhe milicitë shiite kanë adoptuar këto sisteme dhe kanë arritur suksese kundër objektivave në Arabinë Saudite.
Disa orë më parë ata sulmuan instalimet e guerriljes kurde iraniane në rajonin e Erbilit, duke u mbështetur gjithmonë në dronë-kamikaze dhe raketa.
E dyta. Mullahët forcojnë marrëdhëniet e gjata operacionale me Kremlinin, blejnë kredi diplomatike, politike dhe ushtarake dhe nuk është pak.
Shfrytëzimi në terren i disa armatimeve bëhet një pengesë për një tjetër, siç dëshmohet nga kulmi i shitjeve të dronëve turq TB2 të përdorur fillimisht nga azerët kundër armenëve, pastaj në shumë “teatro lufte”, nga Afrika (Sahel, Etiopi) në Ukrainë.
NATO ka përfshirë pajisje anti-dronë në programin e ndihmës për Ukrainën. Ato shfaqen gjithashtu në paketën që Shtetet e Bashkuara janë gati të lançojnë. Si gjithmonë, rezistenca kërkon më shumë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje