.png)
Sinjalet e para të kontaktit mes Liverpulit dhe Mohamed Salah për rinovimin e kontratës, duket se janë pozitive. Të dyja palët tashmë janë ulur në tryezë dhe ndjesitë ishin të mira për të zgjeruar marrëveshjen që i bashkon edhe për dy sezone të tjera, deri në vitin 2025.
Salah ka edhe dy vite në kontratën e tij aktuale. Në skadimin e saj, egjiptiani do të jetë 33 vjeç, por “The Reds” tashmë kanë vendosur ta shpërblejnë yllin e tyre me një përmirësim të kontratës së re.
Aktualisht, ai merr një pagë javore prej 200.000 paund, por sipas “The Athletic”, Liverpool është i gatshëm të bëjë një përpjekje të sforcuar dhe ta bëjë Salah si futbollistin më të paguar në historinë e klubit, duke tejkaluar 220.000 paund në javë që merr Van Dijk, lojtari më i shtrenjtë në skuadër. Salah është futbollisti i radhës pas rinovimit të kontratës me yjet e tjerë të ekipit nga ana e Liverpulit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje