.png)
Mbrëmja e sotme mund të sjellë një moment magjik për sulmuesin shqiptar, Xhakomo Vrioni. Ai është grumbulluar nga trajneri i Juventusit, Mauricio Sarri, për ndeshjen me Milanin, gjysmëfinalja e kthimit në Kupën e Italisë. Klubi bardhezi ka zyrtarizuar pak më parë listën e lojtarëve të grumbulluar për këtë ndeshje dhe aty figuron edhe emri i Vrionit.
Disa ditë më parë ishte bërë e ditur se trajneri italian po shihte tek Juventusi U-23 për ndonjë lojtar që do të zëvendësonte ata që mungojnë dhe mes tyre ka zgjedhur edhe Vrionin për sulmin. Juventusi nuk ka të gatshëm Gonzalo Higuain dhe zgjidhjen e ka gjetur brenda shtëpisë. Do të ishte vërtet një ëndërr për Vrionin, nëse do të kishte pak minuta me fanellën e ekipit të parë kundër Milanit.
Sulmuesi kuqezi, i rritur te Sampdoria, kaloi disa muaj më parë te Juventusi U-23, pas disa eksperiencave që ka pasur me ekipet të kategorive inferiore në Itali. Trajneri Sarri e ka vlerësuar dhe ky patjetër që është një sinjal edhe për trajnerin e Kombëtares, Edi Reja.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje