.png)
Ushtria kolumbiane ka sekuestruar rreth 6 tonë kokainë në zonën jug-lindore të vendit. Mediat, të cilat i referohen burimeve të Ministrisë së Mbrojtjes, raportojnë se kokaina i përket një grupi rebel që që është në një konflikt të armatosur me qeverinë e Bogotas.
Gjatë operacionit që zgjati disa orë, ushtria shkatërroi edhe tre laboratore të mëdha kokaine që i përkisnin pikërisht rebelëve të Ushtrisë Çlirimtare Kombëtare, të cilët kërkojnë e mbështesin aktivitetin e tyre pikërisht me trafikun e kokainës jashtë vendit.
Sipas autoriteteve, sasia mund të ndahej në të paktën 12 milionë doza. Kompleksi ku u sekuestrua kokaina siguronte çdo muaj të ardhura deri në 8 milionë dollarë nga shitja e lëndëve narkotike.
Kolumbia është një ndër vendet kryesore të prodhimit të kokainës në botë. Presidenti Ivan Duque shpalli si prioritet luftën kundër drogës, kur mori postin në vitin 2018.
Javën e kaluar, trafikantët qëlluan me armë zjarri helikopterin e presidentit teksa fluturonte në veri të Kolumbisë bashkë me ministrin e Brendshëm dhe atë të Mbrojtjes. Fatmirësisht ata nuk u lënduan dhe helikopteri u ul i sigurt në tokë.
BUSTED: Footage released by Colombia’s defense ministry shows soldiers searching a jungle laboratory where authorities say they seized more than six tons of cocaine. https://t.co/bSj90FFhCF pic.twitter.com/8HMjs57YXY
— ABC News (@ABC) June 30, 2021
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje