.png)
Gazeta Si – Dhoma e Përfaqësuesve të Shteteve të Bashkuara ka miratuar me shumicë dërrmuese paketën e re 40 miliardë dollarëshe të ndihmës ushtarake, ekonomike dhe humanitare për Ukrainën të propozuar nga presidenti amerikan, Joe Biden.
Financimi i ri kaloi me 368 vota pro dhe 57 kundër dhe ka të ngjarë të miratohet nga Senati deri në fund të javës.
Përshkallëzimi i stimujve ushtarakë – Pas ndihmës prej 33 miliardë miliardë dollarësh, përfshirë ushtrinë, të akorduara nga Kongresi për Ukrainën në prill, Joe Biden nënshkroi Aktin e Huadhënies për Mbrojtjen e Demokracisë së Ukrainës.
Masa lëvroi 39.8 miliardë miliardë të tjerë në instrumente dhe pajisje dhe ndihma ushtarake, për të mbështetur aksionin e ushtarëve ukrainas në luftën kundër forcave pushtuese ruse.
Falënderimet e presidentit Zelensky nuk vonuan. Ai tha se i ishte “mirënjohës presidentit amerikan dhe popullit për mbështetjen e tyre në luftën për lirinë dhe të ardhmen tonë. Jam i bindur se së bashku do të fitojmë përsëri dhe do të mbrojmë demokracinë në Ukrainë dhe në Evropë, si 77 vjet më parë”.
Çfarë është Ligji për Huadhënien – Kur Shtetet e Bashkuara do t’i “huazojnë” diçka një kombi të huaj, ata e bëjnë këtë për sa kohë që marrësi duhet të paguajë një lloj qiraje dhe merr përsipër të shlyejë kredinë për një periudhë prej 5 vite kohë.
Në rast se kjo nuk ndodh, huamarrësi duhet të kompensojë huadhënësin për të njëjtën vlerë si kredia.
Akti i huadhënies është një dekret që përdoret në raste urgjente dhe i cili mund të anashkalojë të gjitha kufizimet e sipërpërmendura.
Precedenti – Në historinë bashkëkohore amerikane, kjo është hera e dytë që administrata amerikane miraton Aktin e Huadhënies, Hera e parë ishte nën presidencën e Franklin Delano Roosvelt, gjatë Luftës së Dytë Botërore.
Me atë rast, Shtetet e Bashkuara dërguan pajisje dhe materiale luftarake me vlerë 50.1 miliardë dollarë në atë kohë (690 miliardë sot) në Mbretërinë e Bashkuar, Francë, Kinë dhe Rusi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje