.png)
Ish-presidenti amerikan Donald Trump ka krijuar një hapësirë në faqen e tij online ku do të mund të postojë komente. Ai ka marrë këtë hap para vendimit të gjigantit Facebook, i cili do të vendosë nëse do ta vazhdojë bllokimin e llogarisë së Trump në këtë platformë.
Ish-presidenti ka prezantuar blogun e ri, që u mundëson të tjerëve të shpërndajnë mesazhet në Facebook dhe Twitter.
Trump nuk ka arritur të shfaqet tek llogaritë e ndjekësve të tij pasi Facebook ia ka pezulluar llogarinë më 7 janar, për shkak të komenteve, që sipas udhëheqësve të rrjeteve sociale kanë nxitur dhunë, që më pas ka rezultuar me trazira vdekjeprurëse në Kongresin amerikan.
Ky vendim është duke u shikuar me vëmendje nga politikanët, ekspertët për liri të mediave dhe aktivistë nga e gjithë bota, mes frikës se mund të krijojë precedent.
Ndryshe nga Facebook, platforma tjetër, Twitter, e preferuara e Trump, i ka bllokuar përgjithmonë qasjen në platformën socile për shkak të situatës që ka shpërthyer në Kongres më 6 janar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje