.png)
Bernard Shaland, trajneri i Kosovës, ka rezultuar pozitiv me Covid-19 në testin e fundit që stafi teknik dhe futbollistët kanë kryer para ndeshjes miqësore me Shqipërinë, që luhet sot në “Elbasan Arena”.
Veç trajneri Shaland, pozitiv ka dalë edhe një tjetër pjesëtar i stafit të tij teknik. Lajmi është bërë i ditur nga Federata e Futbollit të Kosovës në faqen e saj zyrtare. “Pas kryerjes së testit për Covid-19, trajneri Bernard Shaland dhe një nga pjesëtarët e stafit (menaxheri i pajisjeve), kanë rezultuar pozitiv. Ata janë izoluar nga pjesa tjetër e ekipit deri në testin e radhës, që është programuar për të enjten për ndeshjen kundër Sllovenisë”, – shkruhet në njoftimin FFK-së.
Drejtimin e skuadrës për ndeshjen e sotme miqësore me Shqipërinë do ta marrë ndihmësi i Shaland, Muharrem Sahiti.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje