.png)
Rregullatorët amerikanë do të lejojnë përmes një procedure urgjente autorizimi përdorimin e ilaçit eksperimental, remdesivir, që duket se ndihmon disa nga pacientët me koronavirus të shërohen më shpejt.
Është i përdorur kundër Ebolës ilaçi i parë që ka treguar se ndihmon të godasë virusin.
Agjencia amerikane e Ushqimit dhe Barnave, FDA dha autorizimin të premten, pasi rezultatet paraprake të një studimi të kërkuar nga qeveria, treguan se remdesiviri e përshpejtoi me 31 për qind rikuperimin e pacientëve me COVID-19 të shtruar në spital.
Presidenti Donald Trump dha lajmin të premten në Shtëpinë e Bardhë, së bashku me kreun e agjencisë, Stephen Hahn. Ilaçi mund edhe të ulë edhe numrin e vdekjeve.
Kompania farmaceutike Gilead Sciences ka thënë se do të dhurojë rezervat aktuale të ilaçit dhe po zgjeron prodhimin e sasive të tjera.
Sstudimi me 1,063 pacientë është më i gjeri dhe më rigorozi i ilaçit dhe përfshiu një grup pacientësh që morën kujdesin e zakonshëm, për të krahasuar efektin.
Ata që përdorën remdesivir, ishin në gjendje të dilnin nga spitali pas 11 ditësh, krahasuar me mesataren prej 15 ditësh të grupit tjetër.
Eksperti kryesor amerikan për sëmundjet infektive, Dr. Anthony Fauci tha se ilaçi do të vendoste një standard të ri mjekimi për të sëmurët rëndë me COVID-19.
Ilaçi nuk është testuar ende tek pacientë me simptoma më të lehta dhe aktualisht jepet me serum në spital.
Agjencia FDA e autorizoi ilaçin në bazë të kompetencave për rastet urgjente, për të përshpejtuar ilaçet, testet dhe produketet eksperimentale në raste krizash shëndetësore.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje