.png)
Një marrëveshje historike e krijuar për t’u përballur me sfidën e Kinës. Shtetet e Bashkuara të Amerikës dhe Britania e Madhe, do të ndihmojnë Australinë të ndërtojë nëndetëse bërthamore, një pakt që do të përfshijë gjithashtu bashkëpunim të ngushtë në luftën kibernetike dhe përdorimin e inteligjencës artificiale. Por Pekini reagoi menjëherë, duke folur për një “mentalitet dhe paragjykime të luftës së ftohtë”.
Marrëveshja, e njohur si “Aukus”, nënkupton një aleancë edhe më të ngushtë midis vendeve mike, një veprim i bërë i nevojshëm – duke pasur parasysh kryeqytetet e përfshira – nga ajo që po ndodh në frontin e Paqësorit. Ai që e prezantoi, pa përmendur kurrë emrin e Republikë Popullore, ishte Presidenti Biden me kryeministrin britanik Boris Johnson dhe atë australian Scott Morrison.
Australianët, pasi të krijohen “automjetet nënujore”, do të jenë në gjendje të rrisin mbikëqyrjen, patrullimet dhe forcën në ujërat e mbushura me njerëz.
Flota e Pekinit që është në zhvillim të plotë, me prodhimin e njësive me një ritëm intensiv, ka mosmarrëveshje tregtare dhe territoriale. Fuqia aziatike ka shumë rivalë dhe Shtetet e Bashkuara nuk janë kundërshtari i vetëm.
Ekziston një shqetësim i madh në Japoni: disa ditë më parë Tokio denoncoi praninë e një nëndetëseje kineze pranë një prej ishujve të saj jugorë. Pastaj janë kontrastet në me Vietnamin dhe Filipinet. Pa harruar para së gjithash tensionet e shkaktuara nga Koreja e Veriut.
Regjimi komunist sapo ka testuar disa raketa, duke përfshirë dy të tilla të lëshuara nga një tren, si dëshmi e kërkimit të një arsenali më fleksibël.
Amerikanët, britanikët dhe australianët (së bashku me Zelandën e Re dhe Kanadanë), kanë një bashkëpunim intensiv në fushën e inteligjencës, stërvitje të shpeshta të zakonshme midis pajisjeve ushtarake.
Tani vjen hapi i madh, me sigurimin e teknologjisë konfidenciale. Sipas udhërrëfyesit, do të krijohen tre ekipe që do të duhet të përgatisin një plan zhvillimi brenda 18 muajve, pastaj do të kalohet në fazën e ndërtimit të “varkave”, në një kantier detar në Adelaide.
Me nënshkrimin e marrëveshjes “Aukus”, projekti që parashikonte blerjen e nëndetëseve franceze do të anulohet, edhe pse zyrtarët parisienë nuk e morën mirë këtë gjë.
“Bota është një xhungël, ne jemi goditur me thikë nga pas. ‘C’est la vie’”, – komentoi ish-ambasadori, Gerard Araud.
Ministria e Jashtme franceze, e përcaktoi vendimin “në kundërshtim me frymën e marrëdhënieve midis dy vendeve tona”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje