.png)
Gazeta Si – Një raketë balistike e Koresë së Jugut u përplas në tokë në Gangneung, në veri-lindje të vendit, gjatë stërvitjeve të përbashkëta me Shtetet e Bashkuara.
Rrëzimi i saj jo sipas planit ushtarak, ka shkaktuar panik te banorët e qytetit bregdetar, tashmë të tronditur nga testet gjithnjë e më provokuese të raketave të Phenianit.
Shpërthimi i raketës dhe zjarri i mëpasshëm bëri që shumë njerëz të besonin se ishte një sulm i Koresë së Veriut.
Incidenti përfshiu një raketë balistike me rreze të shkurtër veprimi Hyumoo-2. Raketa u rrëzua brenda një baze të Forcave Ajrore në periferi të qytetit.
It’s only just been confirmed that the US and ROK conducted their own missile drill in response to North Korea’s recent missile test.
— Raphael Rashid (@koryodynasty) October 5, 2022
One of South Korea’s Hyunmoo-2 failed shortly after launch and crashed, but caused no casualties.https://t.co/j7K3semX3g
Ushtria ka bërë të ditur se po heton shkaqet e “fluturimit anormal” të raketës.
Më parë, Shtabi i Përgjithshëm i Koresë së Jugut njoftoi se katër raketa të Sistemit Raketor Taktik të Ushtrisë dhe një tjetër raketë Hyumoo-2 ishin lëshuar me sukses gjatë stërvitjeve të përbashkëta në përgjigje të provokimit të Koresë së Veriut.
Pheniani, në fakt, të martën kreu testin e parë balistik në tetë muaj, duke lëshuar një raketë IRBM që udhëtoi rreth 4600 kilometra dhe fluturoi mbi Japoni.
Banorët e Gangneungut mbetën në errësirë për orë të tëra si pasojë e shpërthimit të raketës.
Sipas pamjeve që ata shpërndanë në rrjetet sociale, evidentohej një zjarr i madh nga i cili dilnin shtëllunga tymi.
Lançimi i raketës të martën është i pesti që është kryer nga Koreja Veriore brenda një jave.
Të shtunën, dy raketa kanë rënë në ujërat jashtë zonës ekonomike të Japonisë.
Shumë prej testimeve të Koresë Veriore kryhen në lartësi të mëdha, për të shmangur fluturimet mbi territoret e vendeve fqinje shkruan BBC.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje