.png)
Gjykata e Lartë e SHBA ka hedhur poshtë vendimin e administratës Biden për vaksinimin e detyrueshëm ndaj Covid ose testimin javor për kompanitë e mëdha me më shumë se 100 punonjës.
Më shumë se 80 milionë njerëz thuhet se do të ishin prekur nga ky vendim, ndërsa Biden tha se ishte i zhgënjyer.
Gjykata miratoi detyrimin e vaksinimit për shumicën e punonjësve shëndetësorë, ndërsa parashikoi përjashtime mjekësore dhe fetare.
Sipas gjyqtarëve, administrata nuk ka fuqinë për të vendosur një kërkesë të tillë ndaj korporatave të mëdha pa lejen e Kongresit. Kërkesa për vaksinë mbetet për punonjësit e kujdesit shëndetësor që punojnë në objektet që marrin fonde federale.
Gjykata e Lartë u nda në të dyja rastet: në të parën 6 me 3, me gjyqtarët liberalë në mospajtim, në të dytën 5 me 4, me presidentin John G. Roberts Jr. dhe Brett M. Kavanaugh që iu bashkuan kolegëve të tyre përparimtarë.
“Jam i zhgënjyer që Gjykata e Lartë zgjodhi të bllokojë rregullat e arsyes së shëndoshë për të shpëtuar jetën e punonjësve të kompanive të mëdha që u themeluan si në shkencë ashtu edhe në ligj”.
Ky është komenti i presidentit amerikan Joe Binden, i cili theksoi: “Tani i takon shteteve dhe punëdhënësve individualë të përcaktojnë nëse do t’i bëjnë vendet e tyre të punës sa më të sigurta për punonjësit dhe nëse bizneset e tyre do të jenë të sigurta për konsumatorët gjatë kësaj pandemie duke u kërkuar punonjësve të ndërmarrin hapin e thjeshtë dhe efektiv. të vaksinohen”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje