.png)
Gazeta Si – Presidenti amerikan, Joe Biden, nënshkroi një ligj për përshpejtimin e furnizimit me armë dhe mjete ushtarake në Ukrainë.
Legjislacioni, i frymëzuar nga një masë e vitit 1941 që lejoi Shtetet e Bashkuara të armatosin ushtrinë britanike kundër Hitlerit, do të lehtësojë disa nga kërkesat për të dërguar pajisje ushtarake në Kiev.
Demokrati tha se kostoja e luftës është e shtrenjtë, por megjithatë edhe më e kushtueshme është t’i nënshtrohesh agresorit.
Akti i cili u miratua muajin e kaluar nga Kongresi amerikan, heq kufizimet për sasinë e armëve dhe furnizimeve të tjera ushtarake që SHBA-të mund t’i dërgojnë Ukrainës ose vendeve të tjera të Evropës Lindore.
Megjithatë, në Akt përcaktohet se Kievi duhet të paguajë më pas, për çdo gjë që merr.
Nënshkrimi u mirëprit nga presidenti Zelenski j,i cili e quajti një hap historik që do e bëjë Ukrainën fitimtare njësoj si 77 vjet më parë kur u mposht Gjermania naziste.
Armët e dërguara nuk kanë lidhje me ndihmën ushtarake prej 4 miliardë dollarësh që Amerika ka dërguar tashmë në Ukrainë që nga fillimi i agresionit rus.
Akti i huadhënies është përdorur edhe në Luftën e Dytë Botërore, kur presidenti amerikan i atëhershëm, Franklin Roosvlet në mars 1941 lëshoi rreth 50 miliardë dollarë për bllokun e aleatëve, Britani e Madhe dhe Bashkimi Sovjetik për t’i bërë ballë Gjermanisë naziste dhe Italisë fashiste.
Ndërkohë, sipas zëdhënësit ushtarak të rajonit të Odesës, Sergey Bratchuk, Moska ka përdorur tre raketa Kinzhal – raketat e reja hipersonike – kundër qytetit të Odesës, duke goditur një hotel, ndërsa shtatë raketa kanë shkatërruar një qendër tregtare.
CNN ka verifikuar vërtetësinë e dy videove që qarkullojnë në rrjetet sociale dhe tregojnë dëme të konsiderueshme në objektin turistik në Zatokë.
CNN thotë se është e paqartë pse hoteli u prek dhe kush ose çfarë mund të presë ai.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje