.png)
Administrata e presidentit të Shteteve të Bashkuara, Donald Trump, tha se ka rikthyer Kubën në listën e sponsorëve shtetërorë të terrorizmit.
Sekretari amerikan i Shtetit, Mike Pompeo, tha se Kuba futet në listën e zezë për “mbështetje të vazhdueshme të akteve të terrorizmit ndërkombëtar”, duke i strehuar të arratisurit amerikanë, si dhe udhëheqësit e grupit rebel të Kolumbisë, ELN.
Pompeo po ashtu përmendi mbështetjen e Kubës për presidentin e Venezuelës, Nicolas Maduro, të cilin SHBA-ja refuzon ta njohë.
Në përgjigje, ministri i Punëve të Jashtme i Kubës, Bruno Rodriguez, tha se e dënon “kualifikimin cinik dhe hipokrit të Kubës si një shtet sponsor i terrorizmit”.
Kuba është hequr prej listës së zezë nga ish-presidenti i Shteteve të Bashkuara, Barack Obama, në vitin 2015, por Trump ka marrë një qëndrim më të ashpër ndaj këtij vendi.
Që nga epoka e Luftës së Ftohtë, SHBA-ja ka ndjekur politika të ndryshme për të minuar Kubën, duke e parë atë si kërcënim të madh.
Kuba tani ribashkohet me Iranin dhe Korenë e Veriut në listën e sponsorëve të terrorizmit.
Ndikimet e kësaj përfshijnë kufizime të mëdha në investimet e huaja. (REL)
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje