.png)
Gazeta Si – Shërbimet sekrete ukrainase (Sbu) vranë një anëtar të ekipit negociator të Kievit me akuzën e tradhtisë.
Sipas burimeve të medias vendase, “Ukrainska Pravda”, i dyshuari u vra gjatë një tentative arrestimi. I njëjti burim zbulon se kishte “prova të forta” se ai po dërgonte informacione në Rusi.
Lajmi, i cili ende nuk ka marrë konfirmim zyrtar, është bërë i ditur edhe nga agjencia shtetërore ukrainase, “UNIAN”.
Bëhet fjalë për Denis Kireev, i cili kishte marrë pjesë në delegacionin e parë negociues ukrainas në Gomel të Bjellorusisë dhe ishte një bankier me shumë përvojë.
007-at ukrainase dyshohet se mblodhën prova të shumta të tradhtisë ndaj tij, duke përfshirë disa biseda telefonike.
Nga viti 2006 deri në 2008, Kireev punoi në SCM Finance, ku mbajti postin e zëvendës-drejtuesit të Përgjithshëm.
Më pas ai punoi për kompaninë austriake “GROUP SLAV AG Klyuyev”. Nga viti 2006 deri në vitin 2012, ai ishte gjithashtu anëtar i Bordit Mbikëqyrës të “Ukreximbank”.
Nga viti 2010 deri në vitin 2014, në pjesën e Klyuyev, ai mbajti pozicionin e zëvendës-Kryetarit të Parë të Bordit të “Oschadbank”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje