.png)
Një 28-vjeçar është arrestuar për shfrytëzim prostitucioni dhe lëndë narkotike në Tiranë. Ai shfrytëzonte bashkëjetuesen e tij 17-vjeçare dhe një vajzë tjetër 18-vjeçare për prostitucion në Sarandë, Tiranë dhe Korçë, ndërsa i përdorte edhe për të shpërndarë lëndë narkotike në doza të vogla.
Policia thotë se arrestimi i tij ndodhi gjatë operacionit të koduar “Klientët”, pas informacioneve të marra nga policia në rrugë operative se vajzat e reja shfrytëzoheshin për prostitucion.
Pas vëzhgimeve policia arrestoi 28-vjeçarin Majkëll Mara, i cili shfrytëzonte për prostitucion një shtetase 18-vjeçare, të cilën e përdorte edhe për shpërndarje të lëndëve narkotike në doza të vogla, si dhe një shtetase 17-vjeçare me të cilën bashkëjetonte në qytetet Korçë, Sarandë dhe Tiranë.
Në cilësinë e provave materiale janë sekuestruar një automjet dhe dy telefona.
Materialet i kaluan Prokurorisë së Rrethit Gjyqësor Tiranë, për veprat penale “Trafikimi i personave të rritur”, “Shfrytëzimi i prostitucionit” dhe “Prodhimi dhe shitja e lëndëve narkotike”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje