.png)
Shkëndija e Tetovës është shpallur kampione e Maqedonisë së Veriut për herë të katërt në historinë e saj. Fitorja 3-1 ndaj Borec i ka dhënë matematikisht suksesin skuadrës së trajnerit Ernest Gjoka. Katër javë para fundit të kampionatit, tetovarët kryesojnë me 13 pikë diferencë nga vendi i dytë, që mbahet nga një tjetër skuadër shqiptare, Shkupi.
Një sukses i pritshëm ky në fakt, duke ditur dominimin e Shkëndijës në kampionatin e vendit fqinj. Kampionë janë shpallur me këtë skuadër edhe dy futbollistë të njohur të kampionatit shqiptar, Bruno Dita dhe Rubin Hebaj, të cilët këtë sezon kanë veshur fanellën kuqezi të Shkëndijës. Hebaj madje shënoi një gol në fitoren e sotme ndaj Borec.
Vitet e fundit Shkëndija e Tetovës ka vendosur diktatin e saj në futbollin maqedonas, duke mos e vënë në diskutim titullin kampion. Tani sfida e tetovarëve është që të kenë një ecuri më të mirë në kompeticionet europiane.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje