.png)
Pas video-skandaleve të punonjësve të policisë në Shkodër, dhjetëra qytetarë dhe studentë kanë dalë në protestë për t’i thënë ndal dhunës dhe përdhunimeve.
Protesta u zhvillua përpara komisariatit të policisë. Të ulur në tokë dhe me pankarta në duar me mesazhin: “Stop dhunës, stop përdhunimit” ata kanë bllokuar hyrjen e komisariatit.
Pas efektivit të Gruemirës, i cili i dërgonte video intime një 15-vjeçareje, dje, sipas studentëve të Fakultetit të Juridikut, një efektiv i veshur civil dhe me armën e shërbimit ka hyrë në mjediset e godinës së Juridikut dhe në afërsi të banjave ka ngacmuar një studente dhe një pedagoge. Studentët nuk e kanë lejuar efektivin të dalë nga godina dhe kanë lajmëruar forcat e policisë, të cilët kanë bërë shoqërimin e këtij të fundit.
Shërbimi për Çështjet e Brendshme dhe Ankesave ka nisur hetimet në lidhje me rastin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje