.png)
Gazeta Si – Të paktën dy shpërthime u dëgjuan në qendër të Kievit pak pas orës 08:00 me orën lokale këtë të hënë.
Kjo është hera e parë që Kievi goditet për shumë muaj dhe shpërthimet gjithashtu duken të jenë shumë më qendrore se sulmet e mëparshme në luftë.
Shërbimet e emergjencës ukrainase raportojnë për viktima dhe të plagosur nga shpërthimi por ende nuk janë të qarta detajet.
Shërbimet e urgjencës ukrainase kanë raportuar se një numër njerëzish janë vrarë dhe një pjesë tjetër janë plagosur nga sulmet në Kiev këtë mëngjes. Akoma nuk dihet saktësisht sa persona kanë humbur jetën si pasojë e shpërthimeve.
#Breaking : Kyiv Under Attack,Another Explosion Reported. Russia After CrimeanBridge Attack.#Kyiv #Ukraine #UkraineRussiaWar pic.twitter.com/PaMqHOij8h
— Breaking World News (@world_Breaking2) October 10, 2022
Ky është sulmi i parë me raketa në kryeqytetin ukrainas pas disa muajsh, i cili vjen 2 ditë pasi ura e vetme që lidh Rusinë me Krimenë e pushtuar, u dëmtua nga një shpërthim.
Ditën e djeshme, Presidenti i Rusisë Vladimir Putin akuzoi shërbimet e inteligjencës ukrainase për atë që ai e quajti një akt terrorizmi.
Ministri i Mbrojtjes i Ukrainës ka thënë se “guximi i vendit të tij nuk do të shkatërrohet kurrë nga raketat e terroristëve, edhe kur ato godasin zemrën e kryeqytetit”.
Ka raportime për sulme gjatë natës edhe në Dnipro dhe Zaporizhzhia. Gjithashtu, kryebashkiaku i kryeqytetit të Ukrainës, Vitali Klitschko, thotë se ka pasur disa shpërthime në lagjen qendrore Shevchenkivskyi.
“Një ndërtesë banimi shumëkatëshe u shkatërrua përsëri. Ka viktima,”postoi guvernatori rajonal i Zaporizhzhia, Oleksandr Starukh në Telegram.
Moska nuk ka komentuar ende mbi shpërthimet e raportuara në mbarë Ukrainën këtë mëngjes.
Presidenti rus Vladimir Putin ka akuzuar Ukrainën për sulmin e kësaj ure dhe e ka quajtur një “akt terrorizmi”.
Putin tha dje se forcat e inteligjencës së Ukrainës kishin synuar të shkatërronin një pjesë kritike të infrastrukturës civile të Rusisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje