.png)
Nga Gazeta Si – Rusia ka rritur masat e sigurisë në urën e vetme që e lidh atë me Krimenë pasi të shtunën pati një shpërthim të madh në një prej seksioneve të saj.
Presidenti Vladimir Putin ka urdhëruar Shërbimin e Sigurisë Federale (FSB) të mbikëqyrë lidhjen kyçe me gadishullin e pushtuar.Ura është simbol kryesor i aneksimit të Krimesë nga Rusia në vitin 2014.
Ndërkohë si pasojë e shpërthimit të shtunën 3 persona humbën jetën. Zyrtarët rusë kanë bërë me dije se puna për të rregulluar pjesët e dëmtuara do të nisë menjëherë.Kjo urë është konsideruar nga mediat ruse si ndërtimi i shekullit.
Kjo jo pa arsye pasi për Moskën ka pasur një rëndësi të veçantë pasi ka shërbyer për lëvizjen e pajisjeve ushtarake, municioneve dhe trupave ruse në Ukrainën jugore.Forcat ukrainase nuk kanë marrë përgjegjësi në lidhje me sulmin.
Ndërkohë pas shpërthimit, autoritetet ruse bënë të mundur hapjen e urës pjesërisht. Kjo rrugë është vitale për zinxhirin e furnizimit të Moskës në fronin e luftës në Ukrainë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje