.png)
Shqipëria ka nisur kontigjentin e dytë të forcave Komando që veprojnë në Kosovës në kuadër të misionit të KFOR-it.
30 trupa të Regjimentit të Operacioneve Speciale u përcollën këtë të martë në një ceremoni ku mori pjesë edhe ministri i Mbrojtjes, Niko Peleshi dhe Shefi i Shtabit të Përgjithshëm të Ushtrisë, Arben Kingji.
“Republika e Shqipërisë në vijimësi ka dëshmuar se është jo vetëm faktor paqeje dhe stabiliteti rajonal e më gjerë, por edhe një aleat serioz, i cili merr përsipër dhe mban barrën e detyrimeve dhe në kuadër të mbrojtjes kolektive të Aleancës”, tha në fjalën e rastit ministri i Mbrojtjes.
Peleshi vlerësoi edhe profesionalizmin e kontigjentit të parë, të cilët sipas tij kanë treguar vlera dhe standarde të larta morale dhe me profesionalizmin e tyre kanë fituar respektin dhe besimin e plotë të Komandës të operacionit dhe efektivëve të tjerë të Aleatëve të NATO-s.
30 trupat shqiptare do të shërbejnë në zonën e Pejës, bashkë me kolegët italianë e kroatë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje