.png)
Marrëveshja e miqësisë, bashkëpunimit, sigurisë dhe fqinjësisë së mirë me Greqinë përfundon në vitin 2023 dhe Shqipëria ka rënë dakord për zgjatjen e saj edhe me pesë vite të tjera.
Sipas mediave greke, Tirana zyrtare ka pranuar propozimin grek për zgjatjen e kësaj marrëveshjeje.
Kathimerini shkruan se “ky zhvillim është tregues i përmirësimit të qëndrueshëm të marrëdhënieve mes dy vendeve, që u pasqyrua edhe në vizitat e ministrit të Jashtëm grek, Nikos Dendias në tetor të 2020-s dhe pak ditë më parë”.
Marrëveshja është nënshkruar për herë të parë mes dy vendeve në vitin 1996 me një kohëzgjatje 20-vjeçare. Ajo përfundoi në 2008-n dhe në atë kohë u vendos zgjatja me pesë vite, duke e shtyrë deri në 2023.
Zyrtarisht nuk ka ende një reagim nga pala shqiptare.
Çështja më e nxehtë mes dy vendeve mbetet ajo e detit, ku Shqipëria ka pranuar propozimin grek për t’iu drejtuar Gjykatës së Hagës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje