.png)
Gazeta Si – Kryeministri Edi Rama duhet të bëhet gati për një tjetër ceremoni speciale, për një tjetër medalje nderi dhe tjetër shpërblim për sportistët tanë. Shqipëria ka siguruar medaljen e argjendit në Botërorin e mundjes, që po zhvillohet në Beograd.
Sportisti në fakt është çeçen, por që garon për Shqipërinë. Zelimkhan Abakarov ka mundur sot në gjysmëfinale serbin Stevan Miçiç, i cili është edhe medalist olimpik.
Me kalimin në finale për peshat deri në 57 kilogramë, Abakarov ka siguruar medaljen e argjendtë. Të shtunën ai do të diskutojë medaljen e arit dhe titullin kampion bote me amerikanin Tomas Gilman. Medalja e artë është shumë pranë.
Shqipëria përfaqësohet në Botërorin e Serbisë me dy sportistë. Përveç Zelimkhan Abakarov, merr pjesë edhe Islam Dudaev, edhe ai çeçen i natyralizuar si shqiptar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje