.png)
Presidenti Ilir Meta kërkon zgjidhjen e menjëhershme të situatës së krijuar në pikat doganore të Kakavijës dhe të Kapshticës.
Përmes një reagimi në rrjetet sociale, Meta shpreh shqetësimin mbi gjendjen e qytetarëve që kanë mbetur të bllokuar mes dy doganave, ndërsa thirrja e tij është e dyfishtë, edhe për qytetarët që të respektojnë masat në e urgjencës për shkak të pandemisë, edhe ndaj Qeverisë që të respektojë detyrimet kushtetuese e ndërkombëtare.
“U bëj thirrje sërish të gjithë qytetarëve shqiptarë të respektojnë kushtet e urgjencës dhe domosdoshmërisë të imponuara nga pandemia e COVID-19 në pikat tona kufitare e njëkohësisht kërkoj nga autoritetet tona përgjegjëse të respektojnë, jo vetëm kërkesat e situatës së gjendjes së fatkeqësisë natyrore, por edhe detyrimet kushtetuese dhe ndërkombëtare që shteti ka ndaj qytetarëve të vet në një situatë të tillë”, thotë ai.
Presidenti e mbyll mesazhin e tij duke kërkuar më shumë bashkëpunim, mirëkuptim, solidaritet e përgjegjësi mes qytetarëve dhe autoriteteve për të mbrojtur interesin publik dhe sigurinë e jetës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje