.png)
Një nga ikonat e peshëngritjes shqiptare, Ferid Berberi, është ndarë sot nga jeta. Ish-peshëngritësi, ish-trajneri dhe ish-drejtuesi i Federatës Shqiptare të Peshëngritjes, ka humbur betejën me një sëmundje në mushkëri në moshën 75-vjeçare.
Berberi ka qenë një nga figurat më të shquara të sportit të peshëngritjes në vendin tonë. Ai ka drejtuar me sukses ekipin e Dinamos dhe Kombëtaren e peshëngitjes, duke arritur rezultate të larta.
Ferid Berberi ka lindur në Tiranë, më 6 dhjetor 1946. I diplomuar në Universitetin e Sporteve në Tiranë për edukim fizik, ai e filloi sportin e peshëngritjes me klubin e Dinamos, ku është shpallur kampion për 4 vite me radhë, nga 1972-shi në 1975-ën. Berberi ka marrë pjesë me Kombëtaren e peshëngritjes në garat ndërkombëtare të zhvilluara në Kinë dhe në Rumani, në vitet 1972 dhe 1975.
Për tri vjet, 1976-1979, Berberi ka drejtuar Dinamon dhe pastaj Kombëtaren e Shqipërisë deri në vitin 1985. Në krye të Dinamos, ka fituar titujt kampion 6 herë. Po ashtu, Berberi ka drejtuar edhe Kombëtaren e të rinjve në peshëngritje, me të cilën ka fituar dy Ballkaniada.
Në periudhën 1992-2000 Ferid Berberi ka mbajtur postin e sekretarit të përgjithshëm në Federatës Shqiptare të Peshëngritjes.
Mes vlerësimeve të shumta që Ferid Berberi ka marrë mund të veçohen titujt “Mjeshtër Sporti”, “Mjeshtër i Merituar”, ”Nderi i Sportit Shqiptar”. Ai është nderuar edhe nga presidenti Ilir Meta, të cilin edhe e ka stërvitur, me “Urdhrin e Kalorësit”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje