.png)
Jemi në kohën e luftës totale kundër Koronavirusit. Është situatë emergjence dhe të gjitha aktivitetet sportive tashmë janë pezulluar. Klubet po marrin masa ekstreme për të parandaluar përhapje e virusit, ndërkohë që mesazhet sensibilizuese janë të shumta nga figurat më të njohura të sportit aktualisht.
Zllatan Ibrahimoviç, sulmuesi suedez i Milanit, nuk mund të qëndronte pasiv në këtë situatë. Ai është bashkuar kauzës së luftës kundër virusit në mënyrën e vet, duke dhënë mbështetje për ata që ai i quan heronjtë e vërtetë. Me një postim të fundit në Instagram, Ibrahimoviç shkruan se është i impenjuar si të gjithë italianët në fushatën kundër Koronavirusit.
“Duke parë situatën e emergjencës këtu në Itali, “Mind The Gum” dëshiron të japë një ndihmë konkrete për heronjtë e vërtetë të kësaj historie, doktorët, infermierët, operatorët dhe sanitarët, duke dhuruar maska FFP2 për spitalet, për çdo paketë të shitur online. Si nëpër filma, heronjtë e vërtetë janë ata me maska”, – shkruan sulmuesi i Milanit në postimin e tij.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje