.png)
Cikloni “Apollo”, uragani i Mesdheut (ose ‘Medicane’) – i quajtur kështu nga Forcat Ajrore si pjesë e programit evropian të emërtimit të stuhive (më parë emrat e stuhive dhe cikloneve jepeshin nga Universiteti i Berlinit ose nga organe të tjera autonome, jo të koordinuara ) – është përplasur në brigjet e Siçilisë.
E ndërsa qytetarët e Katanias po presin e ankth të strehuar në shtëpi (dyqane të mbyllura, shëtitore, shkolla), pas dramës së përjetuar të martën e kaluar, pikërisht në Sirakuzë, ku ka stuhi të forta dhe përmbytje të mëdha, përjetohen momentet më të brengosura.
Sipas gazetës “Corriere“, deri më tani, më e goditura konsiderohet zona e Sirakuzës, ndërsa autoritetet paralajmërojnë për erëra me shpejtësi deri në 10 km/h si edhe dallgë deri në 4 metra të larta në det.
Një situatë në zhvillim të vazhdueshëm, e ndjekur nga Mbrojtja Civile në qendrën koordinuese të San Giovanni La Punta, ku përveç raporteve të emergjencës nga territori, vijojnë të monitorohen të dhënat e parashikimit që vijnë nga modelet matematikore. Të dhëna që paralajmërojnë intensifikimin e erërave dhe lëvizjes së valëve për orët e ardhshme.
Uraganet janë një fenomen i rrallë në Mesdhe, por kohët e fundit janë shtuar për shkak të ndryshimeve të forta klimaterike.
Ekspertët i quajnë ata “Medicane” për shkak se ndodhin në Mesdhe. Zakonisht forca e tyre është e vogël sepse formohen në një zonë të kufizuar detare, ndryshe nga uraganet që formohen në oqeane.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje