.png)
Paraqitjet me Italinë në finalet e Euro2020 dhe fitorja e Ligës së Kampionëve me Chelsea-n e kanë futur emrin e Jorginho-s në listën e pretendentëve për të fituar Topin e Artë këtë vit.
Por, vetë futbollisti brazilian i natyralizuar si italian bie dakord se “nëse ai do ta fitonte këtë trofe para Lionel Messi-t do të ishte një skandal”.
Ky është zbulimi që bën Antonio Cassano. Ish-sulmuesi i Barit, Romës, Realit, Milanit dhe Interit thotë se Jorginho ka mbështetur mendimin e tij se emri i vetëm që duhet të fitojë Topin e Artë për këtë vit është ai i Lionel Messi-t.
“E mban mend kur të thashë se çdo gazetari që voton për Jorginho-n për Topin e Artë i duhet hequr licenca?”, pyet Cassano në rrjetet sociale mikun e tij, Bobo Vieri.
“Epo ja, isha në Formentera ulur me familje, kur ndjeva një dorë në supe dhe një zë që më thotë: Antonio, je i madh! U ktheva dhe e pyeta se kush ishte. Hoqi maskën dhe syzet dhe ishte Jorginho. I thashë, Jorgi, a mund ta besosh çfarë skandali do të ishte nëse do të të jepnin ty Topin e Artë dhe jo Messit? Ai ra dakord me mua, që në çdo rrethanë Messi duhet ta fitojë këtë trofe”, sqaron Cassano.
Ish-sulmuesi italian thotë se pas një bisede prej rreth 90 minutash me mesfushorin e admiron atë akoma më shumë. “Është një djalë fantastik, inteligjent dhe i përulur”, tregon ai.
Por çfarë ka thënë publikisht Jorginho në lidhje me Topin e Artë.
“Të gjithë kemi ëndrra, por për të qenë i ndershëm, varet se çfarë kriteresh do të përdoren për dhënien e çmimit. Si mund të krahasohem unë me Messin, Neymar, apo Cristiano Ronaldon?”, ka deklaruar ai për Sky Sport.
Përveç Messit dhe Jorginho, kandidatët e tjerë për Topin e Artë janë Robert Leëandoëski, N’Golo Kante, Cristiano Ronaldo, Romelu Lukaku dhe Kylian Mbappe.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje