.png)
Profesor Xhani Nani, shefi i stafit sanitar të Bolonjës dhe përfaqësuesi i mjekëve të kampionatit elitar italian, lëshon alarmin: Seria A rrezikon fillimin për shkak të situatës së Covid-19. Sipas tij, të dhënat e ditëve të fundit janë vërtet shqetësuese.
“Futbollistët e infektuar? Jemi të shqetësuar, e kotë ta fshehim”, – thekson profesor Nani për mikrofonët e “Radio Kiss Kiss”. “Nëse rastet do të shtohen ditët në vijim, duke bërë që disa skuadra të shtyjnë grumbullimin apo fazën përgatitore, shtyrja e kampionatit do të bëhej një hipotezë shumë konkrete. Sigurisht, urojmë të gjithë që kjo të mos ndodhë”, – shton doktori italian.
“Do t’u rekomandoja futbollistëve që në këto ditë të fundit të pushimeve të kenë një sjellje sa më të përgjegjshme. E kam të qartë se nuk mund të evitohen pushimet nga futbollistët e rinj, por uroj që të jenë sa më të kujdesshëm dhe të respektojnë të gjitha udhëzimet, që të evitojnë infektimin nga Covid-19”, – shprehet në fund Nani, mjaft i shqetësuar nga shtimi i rasteve të lojtarëve të infektuar kohët e fundit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje