.png)
Gazeta Si – Një skandal i ri trondit skenën politike britanike. Nadhim Zahawi, kryetar i partisë konservatore dhe ministër pa portofol në qeverinë Sunak, u shkarkua nga posti i tij.
Ish-kancelari i Thesarit, i cili u dallua gjatë kohës së Covid-it në rolin e nënsekretarit për fushatën e vaksinimit, Zahawi kishte qenë prej ditësh në qendër të polemikave të ashpra për një gjobë të paguar ndaj autoriteteve tatimore në lidhje me të ardhurat dhe organizimin e një kompanie të rëndësishme sondazhesh të themeluar nga ai, YouGov.
“Kur u bëra kryeministër, – thuhet në letrën e dërguar nga kryeministri Rishi Sunak, – premtova se qeveria ime do të tregojë integritet, profesionalizëm dhe përgjegjësi në të gjitha nivelet”.
Kjo është arsyeja pse, saktësoi Sunak, ai i besoi konsulentit të etikës parlamentare hetimin e fakteve, hetim i cili doli me shpejtësi se “ka pasur shkelje të rëndë të kodit ministror”.
Sunak falënderoi kolegun e tij për shërbimet qeveritare dhe kujtoi se “është me krenari”, që ai dhe “kryeministra të tjerë” ishin në gjendje të mbështeteshin te një burrë i lindur në Bagdad, i cili mbërriti në Britaninë e Madhe si refugjat kurd.
Hetimi i kryer nga Sir Laurie Magnus, arriti në përfundimin se Zahawi gaboi që nuk informoi qeverinë për inspektimet e nisura nga tatimet ndaj tij dhe për rrjedhojë për një konflikt të mundshëm interesi, kur Boris Johnson e emëroi atë Kancelar të Thesarit në korrik të vitit të kaluar.
Përveç kësaj, Zahawi do të kishte heshtur për historinë e tij fiskale edhe me rastin e dy emërimeve të mëpasshme, në këshillat e ministrave të Liz Truss dhe Sunak.
Zahawi pagoi pesë milionë paund gjoba dhe taksa shtesë korrikun e kaluar për “Inland Revenue”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje