.png)
Nuk ka kthim në Superiore për Skënder Gegën, ish-trajnerin e Partizanit, i cili do ta vazhdojë karrierën në Jordani. Trajneri kampion në fuqi ka zyrtarizuar marrëveshjen me klubin Al Faisali, një nga skuadrat më të mëdha në Jordani, ku sapo ka nisur kampionati.
Gega, ish-trajneri i Kombëtares U-21, udhëhoqi Partizani drejt titullit kampion sezonin e kaluar dhe ia doli ta kthente trofeun e madh në kampin e kuq pas 26 vjetësh. Megjithatë, pas këtij suksesi ai u largua nga stoli i Partizanit dhe ishte pranë një skuadre arabe, por në fund marrëveshja nuk u arrit.
Po ashtu, vetëm pak kohë më parë Skënder Gega ishte shumë pranë Kukësit, por kushti i presidentit Safet Gjici për fitimin e titullit bëri që trajneri kryeqytetas të tërhiqej, duke i lënë rrugën e lirë Orges Shehit. Tani Gega ka marrë drejtimin e Al Faisali me objektivin për t’i dhënë trofe këtij ekipi. Detajet e kontratës me klubin jordanez ende nuk janë bërë të ditura. Skënder Gega është trajneri i radhës që drejton një ekip të huaj, pas Besnik Hasit, Arjan Peços dhe Bledar Kolës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje