.png)
Gazeta Si – Skiatori shqiptar, Deni Xhepa, ka bërë sot edhe garën e dytë në Lojërat Olimpike dimërore të Pekinit. Këtë herë ai ka bërë një paraqitje pozitive në sllallomin special dhe pas dy zbritjeve ka zënë vendin e 28-të, duke regjistruar kohën 1’53”28.
Xhepa, sportisti i vetëm shqiptar në këtë Olimpiadë, i kreu me sukses të dyja provat. Në të parën ai zuri vendin e 34-t, që mundësoi renditjen mes 44 më të mirëve për provën e dytë. Dhe në zbritjen e dytë Xhepa e përmirësoi kohën në 44”96, duke zënë kështu vendin e 28-të në renditjen përfundimtare.
Ky është një rezultat i mirë për Shqipërinë, por të kemi parasysh faktin se në garë merrnin pjesë 88 skiatorë. Koha e Xhepës ishte +9”19 nga francezi Clement Noel, i cili zuri vendin e parë.
Me këtë garë mbyllet përfaqësimi i Shqipërisë në Olimpiadën dimërore të Pekinit. Xhepa nuk mori rezultat në garën e parë të sllallomit gjigant, sepse nuk arriti ta përfundoi atë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje