.png)
Dy banderola me firmën e “Viking”, një nga tifo-grupet ultras të Juventusit, janë shpalosur jashtë “Allianz Stadium”, një për të kontestuar punën e klubit në merkato dhe një tjetër që ka të bëjë me luftën e brendshme mes grupeve të tifozërisë.
Banderola e parë i drejtohet direkt presidentit Anjeli (dhe Alberto Pairetos, drejtues i Juventusit, përgjegjës për raportet me tifozët). Kjo banderolë konteston fuqishëm mëkaton e klubit bardhezi gjatë verës, shitjen e Kristiano Ronaldos dhe blerjen e Kaio Jorges dhe Lokatelit. “Skuadër e shkatërruar dhe një stadium si sallon. Anjeli dhe Paireto, shkatërrimi perfekt”, – shkruhet në banderolë.
Banderola e dytë lidhet me luftën mes tifozërisë së organizuar të Juventusit, nuk ka fare të bëjë me fushën. Por pikërisht nga fusha dhe konkretisht nga ndeshja e radhës me Napolin, tifozët presin reagimin e skuadrës së Alegrit. Priten përgjigje pas trendit negativ të fillimit të kampionatit, ku Juventusi ka vetëm një pikë në klasifikim.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje