.png)
Gazeta Si – Kryeministri socialist Antonio Costa fitoi zgjedhjet e përgjithshme të parakohshme të së dielës në Portugali me një rezultat që i lejon atij të formojë një shumicë një partiake në Parlament.
Mediat portugeze e përshkruajnë si një triumf, ku kryeministri Costa fiton një mandat të tretë radhazi me Partinë e tij Socialiste, me shumicë të plotë votash me 41,68% të tyre, ose 14% më shumë se partia e dytë, ajo Social Demokrate e qendrës së djathtë.
Në fund të një sondazhi të shënuar nga përparimi i fortë i së djathtës ekstreme, Partia Socialiste në fakt ka marrë tashmë të paktën 117 vende nga 230.
Duke pasur parasysh sondazhet e fundit krah për krah me opozitën e qendrës së djathtë, Costa përfundoi duke përmirësuar rezultatin e tij për vitin 2019 dhe nuk do të varet më nga ish-aleatët e tij të majtë radikalë, të cilët provokuan këto zgjedhje të parakohshme, duke hedhur poshtë projekt-buxhetin për vitin 2022.
Ish-kryebashkiaku 60-vjeçar i Lisbonës, erdhi në pushtet në vitin 2015 duke vulosur një sindikatë të majtë të paprecedentë që nga Revolucioni i Karafilit të vitit 1974, kur ai as nuk i kishte fituar ato zgjedhje.
Tani, ai i jep Partisë Socialiste shumicën e dytë absolute në historinë e saj. “Një shumicë absolute nuk është pushtet absolut, por një shumicë e shtuar”, tha Costa para mbështetësve të tij. “Është një fitore për përulësinë, besimin dhe stabilitetin”, shtoi ai.
PS-ja e tij ishte partia e parë në të gjitha rrethet, duke iu rrëmbyer konservatorëve pothuajse të gjitha bastionet tradicionale të Veriut.
Që nga viti 2015, Costa ka rritur mbështetjen me çdo zgjedhje dhe tani mund të bëhet kryeministri më jetëgjatë në demokracinë luzitane.
Rezultatet përfundimtare i japin Partisë Socialiste të Costa-s 41%, me 117 deputetë, dy në më shumë se gjysmën e vendeve të disponueshme në parlamentin portugez.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje