.png)
Spanja po përgatitet për “skenarin italian”, ndërkohë që numri i vdekjeve nga koronavirusi ka arritur në 1.000 dhe situata vetëm do të përkeqësohet.
Që nga e hëna, në Spanjë janë regjistruar 19.980 raste të reja, 35 për qind e të cilave në rajonin e Madridit dhe 16 për qind në Katalonjë. Ekspertët paralajmërojnë se Spanja është vetëm një javë pas Italisë fqinje, e cila është tanimë vendi më i goditur në botë nga koroanavirusi.
Sistemi shëndetësor spanjoll është në nivel të pashembullt presionit, me më shumë se 1100 pacientë në kujdes intensiv.
Sipas rregullave të rrepta, të urdhëruara nga policia dhe ushtria, spanjollët mund të lënë shtëpitë e tyre vetëm për të blerë ushqime ose ilaçe, të ecin me qentë dhe të shkojnë në punë nëse është absolutisht e nevojshme. Vrapimi ose çiklizmi është ndaluar, së bashku me funeralet, dasmat dhe të gjitha tubimet.
Sidoqoftë, zyrtarët spanjollë po përpiqen të shpjegojnë pse këto masa të rrepta duket se nuk kanë funksionuar. Fernando Simón, një epidemiolog në ministrinë spanjolle të shëndetësisë, argumenton se duhet të kalojë më shumë kohë para se izolimi të fillojë të ketë një ndikim.
“Ditët më të vështira po vijnë, duhet të ndërgjegjësohemi. Ne kemi nevojë të shtojmë masat kufizuese përpara se të jetë shumë vonë” tha ai.
Ashtu si në Itali, mjekëve dhe infermierëve që punojnë në rajonet më të prekura kanë kërkur në media pajisje dhe staf. Njerëzit që mund të qepin maska për fytyrën kanë vullnetarë t’i ndihmojnë.
Të mërkurën, vdekja e një infermiere 52-vjeçare që punonte në një spital të Baskisë tronditi vendin dhe ngriti pyetje të mëtejshme në lidhje me aftësinë e Spanjës për të përballuar epideminë.
Në përpjekje për të zgjeruar kapacitetin, qeveria njoftoi se po bashkëpunonte me ofruesit e shëndetit privat dhe se hotelet po shndërrohen në ambiente mjekësore për të trajtuar pacietët me simptoma më të lehta. Ifema, hoteli më i madh në Madrid, po shndërrohet në një spital me 5,500 shtretër. Dhe në rajonin e Valencias, po ndërtohen tre spitale për të rritur numrin e shtretërve me rreth 1.000.
Qeveria thotë se Spanja është duke u afruar me kulmin e epidemisë dhe do të jetë në gjendje të kthehet në normalitet, por ky mesazh po pritet me skepticizëm.
Të premten, Simón tha se mbingarkesa dhe presioni ndaj njësive të kujdesit intensiv po detyrojnë disa spitale të bëhen “përzgjedhëse” kur pranojnë pacientë.
Një paketë emergjente “kolosale” prej 200 miliardë eurosh, e miratuar të martën, synon shpëtimin e bizneseve më të prekura, por ekspertët thonë se eshte e pamjaftueshme pasi pandemia pritet të zgjasë për një kohë të gjatë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje