.png)
Zbavitje, birrë dhe pije tradicionale jashtë: të rinjtë spanjollë sfidojnë Covid, dhe policia ndërhyn. Në Barcelonë, gati gjashtë mijë njerëz “u zhdukën” të shtunën në mbrëmje në lagjen “Gràcia”, pas festës vjetore të “barrios”.
Por parandalimi i tubimeve në festat të tilla është praktikisht i pamundur: kur ato nuk janë anuluar, për të dytin vit radhazi, bashkitë përpiqen të përmbajnë pjesëmarrjen, si dhe kostot, të rënduara nga personeli i sigurisë.
Kërkesa për rivendosjen e shtetrrethimit
Disa ditë pas heqjes së shtetrrethimit, i cili mbeti në fuqi për më shumë se një muaj, qeveria katalanase insiston me gjyqtarët që të autorizohet zgjerimi i saj në Barcelonë dhe në 61 bashki të tjera me më shumë se 20,000 banorë: të gjithë në shtëpi pas orës 01:00 deri në 06:00 të mëngjesit, nëse indeksi i 125 infeksioneve për njëqind mijë banorë tejkalohet gjatë një periudhe prej shtatë ditësh.
Vendimi i gjykatës superiore rajonale, pritet në orët e ardhshme. Ndërsa komunitetet e tjera autonome po kërkojnë kufizime për të përmbajtur një përhapje të koronavirusit që po përpiqet të stabilizohet.
Turizmi
Gjermania, gjithnjë vigjilente për festat ksenofile të qytetarëve të saj, hoqi Katalonian, Asturiaz, Ishujt Kanarie, Castile-La Mancha dhe Valencian nga lista e zonave me rrezik të lartë, duke konfirmuar Mallorca-n dhe pjesën tjetër të Spanjë.
Spitalet e ishujve janë afër nivelit të alarmit për shkak të mbingarkesës së spitaleve, por është Katalonja, e ndjekur menjëherë nga Madridi, ajo që ndjen se niveli i rrezikut rritet për shkak të presionit mbi spitalet e saj, ku mbi 40% e shtretërve në terapi intensive është e zënë nga pacientët me Covid.
Vala e pestë
Spanja po përballet pa mëdyshje me valën e pestë të pandemisë, pasi ka lehtësuar masat e sigurisë (për shembull, detyrimin për të mbajtur maskë edhe në rrugë), edhe pse u përpoq të lehtësojë jetën e turistëve, si dhe qytetarëve të saj.
Por varianti Delta doli të ishte më i rrezikshëm nga sa pritej. Vera ka çuar në një përtëritje të dukshme të llojit të pacientëve të pranuar në kujdesin intensiv: tani, ka një moshë mesatare 51 vjeç (ishte 59 në valën e katërt), disa patologji të hershme, por një organizëm i aftë të kapërcejë më mirë se të moshuarit fazën akute të sëmundjes, shpesh pa pasur nevojë për intubim.
Të dhënat e fundit, tregojnë mbi 1,800 raste serioze që aktualisht po trajtohen në spitalet spanjolle: në 44% të rasteve, ata janë nën moshën 50 vjeç. Përqindja e 60-vjeçarëve po zvogëlohet, nga 31% në 25%, por mbetet grupmosha më e shpeshtë në kujdesin intensiv.
Kategoritë më të rrezikuara
Problemi, sipas ekspertëve, është për shkak të llojit të vaksinës së marrë, Astrazeneca, e cila siguroi (të paktën fillimisht) katër muaj pritje midis dozës së parë dhe të dytë: shumë infeksione do të kishin ndodhur pikërisht në atë hapësirë kohore.
Pacientët në të shtatëdhjetat gjithashtu u ulën, nga 27 në 11%; dhe pothuajse mungojnë 80-vjeçarët, të cilët në çdo rast mbahen sa më larg që të jetë e mundur nga departamentet Covid.
Njëzet vjeçarët, nga ana tjetër, pothuajse u dyfishuan (nga 10 në 19%) dhe ata në të tridhjetat, u katërfishuan (nga 4 në 15%).
Ata nën 30 vjeç, janë rritur nga 2 në 10%. Me rreth 47 milionë banorë, Spanja deri më tani numëron 4,770,473 infeksione dhe 83,136 viktima. 65.53% e popullsisë mbrohet nga vaksinimi i plotë dhe 74.69% kanë marrë të paktën dozën e parë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje