.png)
Nuk ka fitues në ndeshjen e parë gjysmëfinale të Kupës së Mbretit mes Barcelonës dhe Realit të Madridit. Ndeshja, që dhuroi spektakël në “Kamp Nou”, përfundoi në barazim 1-1. Vendosën golat e Lukas Vaskes për madrilenët dhe Malkom për katalanasit në pjesën e dytë. Me fat skuadra e Solarit, pasi Rakitiç goditi traversën.
Dy gjigantët e futbollit spanjoll dhe atij europian zbritën në fushë pa dy yjet e tyre, Barcelona pa Lionel Mesin dhe Reali pa Gereth Bejl. Vendin e Mesit e zuri braziliani Malkom, i cili arriti të realizonte golin e barazimit në pjesën e dytë. Barcelona u befasua që në fillim të ndeshjes, kur Lukas Vaskez e kaloi Relain në avantazh që në minutën e 6-të. Bejl qëndroi në stol për zgjedhje teknike të trajnerit Solari, kurse Mesi pasi kishte pësuar një dëmtim të lehtë. Të dy u futën në fushë në pjesën e dytë, por nuk arritën ta thoshin fjalën e tyre.
“El Classico” e parë në Kupën e Mbrerit është mbyllur kështu në barazim, ndërsa ndeshja e kthimit është planifikuar për më 27 shkurt në stadiumin “Santiago Bernabeu”. Gjysmëfinalja tjetër në këtë kompeticion është ajo mes Betisit dhe Valencias.
Formacionet fillestare
BARCELONA (4-3-3): Ter Shtegen, Semedo, Pike, Lenglet, Zhordi Alba, Rakitiç, Buskets, Arthur, Malkom, Suarez, Koutinjo.
REAL MADRID (4-3-3): Navas, Karvahal, Varane, Ramos, Marselo, Modriç, Lorente, Kros, Lukas Vaskez, Benzema, Vinicius.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje