.png)
Sulmuesi i Kombëtares së Shqipërisë, Rey Manaj, i cili pak ditë më parë kaloi nga Albacete te Barcelona B, ka pasur fatin të stërvitet dje përkrah Lionel Mesit. Ai dhe disa lojtarë të tjerë të Barcelonës B janë thirrur nga trajneri Kike Setien në ekipin e parë për ndeshjen e sotme me Leganës në Kupën e Mbretit. Është një moment magjik për futbollistin kuqezi, sepse të paktë janë ata që mund të stërviten bashkë me yllin argjentinas, me fituesin 6 herë të “Topit të Artë”.
Barcelona ka probleme me sulmuesit në këtë fazë të kampionatit, pas dëmtimit të Luis Suarezit dhe Osman Dembele. Trajneri Setien ka kërkuar blerjen e një numri “9” sa më shpejt dhe për momentin e ka gjetur zgjidhjen te skuadra B, ku ka marrë Manajn për ta bashkuar me Liones Lesin, Antuan Grizman dhe Ansu Fatin. Një shans i artë për sulmuesin kuqezi për të qenë pjesë e Barcelonës së madhe. Nëse do të luante qoftë edhe pak minuta sot në mbrëmje, për të do të ishte një mrekulli.
Pasi la Italinë, Manaj e ka lidhur karrierën e tij me Spanjën, ku pas Granadës dhe Albacetes, tashmë ka veshur fanellën e Barcelonës B, që merr pjesë në kategorinë e tretë, por të jep edhe shansin të stërvitesh me yjet e botës, siç i ka ndodhur futbollistit nga Lushnja. Me siguri sulmuesi kuqezi ka fjetur me ëndrra mbrëmë, duke imagjinuar se trajneri Setien mund t’i japë kënaqësinë të luajë në “Camp Nou” me fanellën e një prej skuadra më të mëdha në botë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje