.png)
Te Lacio ka shkuar Reina, një portier prestigji dhe eksperience të gjatë, por titullar mbetet ai, Tomas Strakosha, i cili do të luajë sezonin e 4-t radhazi si numri 1. Ardhja e një zëvendësuesi impresionues si Reina nuk e shqetëson aspak portierin shqiptar.
“Jam i lumtur që Reina është këtu, – thotë Strakosha për “Lazio Style”. – Do të përpiqem t’i vjedh profesionin, është një kampion i madh, do të mësoj shumë prej tij dhe për mua është fat që do ta kem në skuadër. Është një portier me shumë përvojë dhe do të jetë i dobishëm në dhomat e zhveshjes”.
Sezoni i ri shënon për Lacion rikthimin në Ligën e Kampionëve pas 13 vitesh. Për Strakoshën do të jetë debutim absolut në kompeticionin më të rëndësishëm në rang klubesh. “Të dëgjosh atë muzikë është magjike. Prej vitesh e kemi ndjekur dhe tani më në fund mund ta përjetojmë atë atmosferë unike që vetëm Liga e Kampionëve të dhuron. Do të jemi gati me siguri për këtë garë”.
Ndeshjet e Ligës së Kampionëve nisin në tetor dhe Strakosha është i bindur se Lacio do të jetë një ekip protagonist. “Po punojmë fort në stërvitje. Shoh që të gjithë jemi të motivuar dhe të karikuar në maksimum. Çdo vit synojmë ta ngremë nivelin tonë dhe objektivin e skuadrës. Kështu do të jetë edhe këtë vi. Sezonin e fundit ishim mbrojtja më e mirë e Serisë A deri në ndërprerjen e kampionatit, më pas gjërat nuk shkuan aq mirë. Përvoja që kemi fituar këto vite është një bazë e mirë për nisjen”, – thekson portieri i Kombëtares shqiptare që do të grumbullohet pas pak ditësh për ndeshjet me Bjellorusinë dhe Lituaninë në Ligën e Kombeve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje