Suedia kap spiunët rusë, forcat speciale me helikopter për të arrestuar çiftin 60-vjeçar

Gazeta Si – Gjuetia për spiunët vazhdon në Suedi. Në një operacion “show”, shërbimet e sigurisë arrestuan një çift të dyshuar se “punonin” për një fuqi të huaj të paidentifikuar.

Por burimet në media dyshojnë se është e përfshirë Moska. “Lojërat në hije” lëvizin paralelisht me ato ushtarake të krizës ukrainase.

Një ekip i forcave speciale zbriti nga dy helikopterë në shtëpinë e “shënjestrave” në periferi të Stokholmit, ndërsa agjentët dhe zyrtarët e “Sapo”-s, kundërzbulimi, hynë në aksion në terren.

Kjo është një pjesë operacionit të një investigimi për të cilin ka ende pak detaje. Të dy, rreth të gjashtëdhjetave, të dyshuarit kishin mbërritur në vend nga Rusia në vitet 1990, duke u vendosur në kryeqytet.

Ata fillimisht jetuan në një apartament, më pas u transferuan në një vilë. Ekzistencë normale, pa ngjallur në dukje alarm. Drejtonin një kompani import-eksporti, fqinjët i përshkruajnë – si zakonisht – si njerëz të sjellshëm, të gatshëm për të kthyer përshëndetjen, por të rezervuar. Ata ishin të vetmuar. Por kjo si mijëra qenie të tjera njerëzore.

Dhe pas ekranit të gjesteve të përditshme – sipas aktakuzës – do të kishin kryer një aktivitet intensiv spiunazhi.

Objektivat ishin suedezë dhe të tjerë nga një vend i tretë (Shtetet e Bashkuara?). Një zëdhënës i shërbimeve justifikoi kështu përdorimin e komandove ajrore: atyre iu desh të vepronin shpejt për t’i parandaluar ata të eliminonin provat duke i hedhur në tualet ose duke shkatërruar memorjen e çdo kompjuteri.

Arrestimi pason përfshirjen e dy vëllezërve, gjithashtu në Suedi, të regjistruar nga inteligjenca ushtarake e Putinit, GRU. Njëri prej tyre ishte pjesë e “Sapo”.

---

Copyright © Gazeta “Si”

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.

---