.png)
Gazeta Si – Sulmohet në mes të ditës në burgun e Ciudad Juarez në Meksikë, në kufirin me Shtetet e Bashkuara të Amerikës.
Taktika që të kujtojnë ato të përdorura nga formacionet guerrile në gjerësi të tjera. Por këtë herë, bëhet fjalë për një numër të madh viktimash: 14 të vdekur, përfshirë 10 agjentë.
Ishte rreth orës 7 të Vitit të Ri, kur një grup vrasësish, në automjete të blinduara të pajisura me pushkë, sulmuan Cereso 3, burgun lokal që tashmë kishte qenë skena e masakrave dhe ishte vizituar nga Papa Françesku në vitin 2016.
Të shtëna intensive të shoqëruar nga një revoltë brenda kompleksit që rezultoi në arratisjen e rreth njëzet të burgosurve.
Me sa duket një veprim i koordinuar për të vënë në vështirësi rojet, ndoshta të befasuar dhe për të lehtësuar arratisjen e bashkëpunëtorëve.
Sfida e kriminelëve zgjati shumë, duke krijuar panik në popullatë dhe forcat e sigurisë arritën të rivendosin qetësinë pas pesë orësh.
Numrat mund të ndihmojnë për të kuptuar dinamikën e ngjarjes: kompleksi ka një kapacitet prej 700 personash, por më shumë se 3700 të dënuar janë të mbyllur në qelitë e tij. Dhe kjo, në një qytet ku vitin e kaluar u regjistruan 1.045 vrasje.
Si në çdo episod goditës të narko-luftës, edhe kjo histori është plot versione. Njëri pretendon se anëtarët e bandës “Los Mexicles” mund të kenë vepruar.
Gjithashtu sipas rindërtimit të ngjarjes, banditët nisën bastisjen për të liruar liderin e tyre, Ernesto Alfredo Pinon de la Cruz, alias El Neto, i dënuar me 200 vjet burg për vrasje, rrëmbime dhe dhunë.
Një kriminel, që e ka nisur “karrierën” e tij kur ishte vetëm 18 vjeç. Me të dyshohet se u arratis edhe “togeri” i tij, Cesar Munoz, i njohur si El Chilin.
Në gusht, Ciudad Juarez kishte qenë skena e një bastisjeje nga “Los Mexicles”, një sulm i egër për të parandaluar transferimin e shefit në një burg federal, nga ku do të ishte më e vështirë të arratisej.
Një plan krejtësisht i suksesshëm, që vërteton sesi bandat, bashkë me fuqinë e armëve, veprojnë me strategji afatgjata.
Përkatësia e grupit është më konfuze, një tjetër konstante e “panoramës” së zezë meksikane, e përbërë nga përçarje, aleanca, pajtime, konflikte.
El Neto kishte filluar veprimtarinë e tij së bashku me kartelin “Sinaloa”, por do të hynte në një marrëveshje me rivalët e kartelit “Juarez” në verë.
Është një botë, ku asgjë nuk është përgjithmonë, ndonjëherë e vështirë të përllogariten anët, protagonistët ndryshojnë mendje në bazë të interesave ose ndoshta si reagim ndaj një fyerjeje momentale. Dhe çdo vendim i gabuar ose jo, merr jetë njerëzish.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje