.png)
Gazeta Si – Rreth 78 gigabajt të dhëna mund të jenë vjedhur në një sulm hakerësh ndaj Agjencisë së të Ardhurave Italiane.
Policia postare dhe teknikët e IT të Agjencisë, kanë nisur menjëherë një hetim, në përfundim të të cilit do t’i dërgohet një kallëzim organit gjyqësor.
Njoftimi për shtyp që u shfaq në rrjetin e errët, u raportua gjithashtu në Prokurorinë Publike të Romës.
Prokurorët në Romë kanë hapur një hetim për të kryer kontrolle mbi sulmin e “ransomware”.
Në tryezën e magjistratëve, pritet një raport fillestar nga ekspertët e Qendrës Kombëtare Kundër Krimit për Mbrojtjen e Infrastrukturave Kritike të Policisë Postare.
Prokurorët, pasi të jenë shqyrtuar dokumentet, mund të procedojnë me hipotezën e veprës penale të aksesit abuziv në sistemin kompjuterik dhe tentativës për zhvatje.
Nga hetimet e para, duket se sulmi i hakerëve është kryer në kundërshtim me profilin e një përdoruesi.
Sipas ekspertëve kompjuterikë dhe teknikëve postarë – edhe pse verifikimet janë ende në progres – hakerët e “Lockbit” kanë publikuar një sërë pamjesh të ekranit në lidhje me sulmin dhe janë duke analizuar ato dhe llojin e materialit që do të ishte vjedhur, të cilat hipotezojnë se është profili i një përdoruesi dhe jo hyrja në Agjencnë e të Ardhurave.
Pretendimi u shfaq në internet këtë mëngjes: “Lockbit” njoftoi se kishte vjedhur të dhëna dhe kërkoi një shpërblim, me ultimatumin që skadon pas pesë ditësh.
Nëse shpërblimi nuk paguhet brenda asaj periudhe – është kërcënimi – do të publikohen dokumentet e vjedhura – përfshirë raportet financiare dhe kontratat.
Për momentin, Agjencia e të Ardhurave bën të ditur se “nuk di asgjë dhe se i ka kërkuar “Sogeit” të verifikojë, pasi është përgjegjës për sigurinë e rrjetit. Përjashtojmë që të dhënat tatimore të jenë vjedhur”.
Në realitet, kontrollet janë ende duke u bërë për të konstatuar se çfarë lloj informacioni është “ekfiltruar” pas inkursionit të IT.
“LockBit” është një grup hakerësh që operojnë në mbarë botën në biznesin e “ransomëare”.
“Është konfirmim, – thotë CEO i platformës së sigurisë kibernetike, ‘Swascan’, Pierguido Iezzi, – i rekordit të trishtuar të fituar nga ‘LockBit’, i cili në tremujorin e fundit është deri tani aplikuesi më aktiv në botë në aktivitetet e ransomware (një program kompjuterik dashakeqës), me mbi 200 sulme të kryera midis prillit dhe qershorit”.
“Ransomware, – vijon ai, – vazhdon të jetë arma kryesore e hakerëve kriminalë dhe, për rrjedhojë, rreziku kryesor për kompanitë publike dhe private”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje