.png)
Për të heshtur Zelenskin, rusët kanë sulmuar kullën e antenave të televizionit në Kiev dhe kjo ka bërë që shumë kanale të ndërpresin transmetimin. Pas këtij sulmi me raketë janë shënuar të paktën 5 viktima.
Pak minuta më parë, ministri i Mbrojtjes ruse kishte paralajmëruar sulme ‘precize’ kundër obiektivave të caktuar në kryeqytetin ukrainas. Po ashtu, gjatë pasdites funksionarë rusë kanë pohuar se forcat e tyre po përgatiteshin për sulme kundër qendrave teknologjike të shërbimit të sigurisë në Ukrainë.
Qëllimi i rusëve ka qenë që të nxjerrin jashtë funksionit një kanal transmetimi, ku jep mesazhet e tij presidenti Zelenski. Sulmi rus i Ukrainës është në ditën e 6-të dhe presidenti Zelenski ka kërkuar në një lidhje me Parlamentin Europian që të mos e braktisin Ukrainën.
Sipas Moskës, separatistët e Luhanskut dhe Donjetskut kanë avancuar dhe po bashkohen me forcat ruse.
Një mbledhje e jashtëzakonshme e Këshillit Atlantik është programuar për të premten në Bruksel.Në këtë mbledhje do të marrin pjesë ministrat e Jashtëm të shteteve pjesëtare të aleancës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje