.png)
Gazeta Si – Rreth orës 6:40 të mëngjesit të së mërkurës, një burrë plagosi me thikë të paktën 6 persona në Paris në stacionin e trenit Gare du Nord. Policia e neutralizoi me të shtëna armësh dhe e arrestoi. Raportohet nga autoritetet se linja e metrosë punon normalisht.
#Paris #France🇫🇷- Several people injured in knife attack at the Gare du Nord train station, with suspect said to have been shot and “neutralized” by police, Minister of the Interior Gerald Darmanin has reported pic.twitter.com/ThgkgGXSZb
— CyclistAnons🚲 (@CyclistAnons) January 11, 2023
Ministri i Brendshëm francez, Gérald Darmanin konfirmoi një pjesë të lajmit në Tëitter, të publikuar fillimisht nga mediat franceze dhe falënderoi policinë për ndërhyrjen e saj “efektive dhe të guximshme”.
Ende nuk dihet numri i personave të përfshirë dhe shkalla e plagëve. Një perimetër sigurie është vendosur rreth zonës ku ndodhi incidenti, por stacioni hekurudhor – gjithmonë shumë i mbushur me njerëz sidomos në mëngjes – vazhdon të funksionojë pavarësisht se disa trena u bllokuan dhe mbërrinin ose largoheshin me vonesë.
Nuk dihen arsyet e këtij gjesti, i cili shkaktoi një valë paniku mes pasagjerëve të trenit dhe metrosë. Për momentin nuk ka asnjë provë se sulmi është i natyrës terroriste: kështu thonë burime pranë hetimit, duke shtuar se pista terroriste nuk është ndër hipotezat e “privilegjuara” të hetuesve. Prokuroria e Parisit ka hapur një hetim për tentativë vrasjeje të besuar në policinë gjyqësore.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje